दमक, (झापा) ३० मंसिर । आफ्ना पितृको स्मृतिमा झापा लखनपुरका एक परिवारले एम्बुलेन्स किन्न नौ लाख ५० हजार रुपैयाँ सहयोग गरेका छन् ।

लखनपुर १ का स्वर्गीय खड्गबहादुर केसीको स्मृतिमा उनका परिवारले नेपाल रेडक्रस सोसाइटी उपशाखा लखनपुरलाई उक्त रकम सहयोग गरेका हुन् । बुधबार एक कार्यक्रम आयोजना गरी केसीकी धर्मपत्नी माया केसीले उक्त सहयोग हस्तान्रण गरिन् ।

कार्यक्रममा रेडक्रस उपशाखाको भवन निर्माणका लागि लखनपुर २ निवासी विष्णुभक्त आचार्यले दुई लाख ५० हाजर, लखनपुर १ का शान्तकुमार राईले दुई लाख ५० हजार, लखनपुर १ कै हेमकुमार बास्तोलाले दुई लाख ५० हजार रुपैयाँ हस्तान्तरण गरेका थिए ।

(आजको अन्नपूर्ण पोष्ट दैनिकबाट)
 

Hamro Doctor