उपप्रधान एवं परराष्ट्रमन्त्री कमल थापाले स्वास्थ्य क्षेत्रमा देखिएका चुनौतिलाई समाधान गर्न आफु तयार रहेको बताएका छन् ।

नेपाल आँखा अस्पताल त्रिपुरेश्वरको ४२ औं स्थापना दिवसको अवसरमा परराष्ट्रमन्त्री थापाले यस्तो बताएका हुन् । उनले भने, ‘स्वास्थ्य क्षेत्रमा देखिएका चुनौतिलाई समाधान गर्न म सक्दो सहयोग गर्छु ।’
सस्तो र सुलभ रुपमा स्वास्थ्य सेवा पाउनु प्रत्येक नागरिकको अधिकार भएको मन्त्री थापाको भनाई छ । ‘स्वास्थ्य क्षेत्रका समस्यालाई सम्बन्धित ठाउँमा पु¥याउन आफ्नो तर्फबाट प्रतिबद्धता व्यक्त गर्दछु’ उनले भने । 
स्थापना दिवसको अवसरमा अस्पतालका संस्थापक डाक्टर रामकृष्ण पोखरेल, अस्पतालमा २५ वर्षभन्दा बढी सेवा पु¥याएका निजामति कर्मचारी, चित्रकला विशेषज्ञ हरि प्रसाद शर्मा लगायतलाई सम्मान गरिएको थियो ।

Hamro Doctor