काठमाडौं, २५ चैत्र । राष्ट्रिय मानव अधिकार आयोगले जाजरकोटको दसेरालगायतका गाविसमा देखिएको झाडापखालाले महामारीको रुप लिनुअघि नै उपचार र निराकरणको व्यवस्था गर्न सरकारलाई आग्रह गरेको छ ।

झाडापखालाको समस्याबाट दसेरामा मात्र ४० भन्दा बढी बिरामी परेको र अधिकांश बिरामी एसएलसी दिंदै गरेका विद्यार्थी, केन्द्राध्यक्ष र निरीक्षक भएको भन्दै थप संक्रमण हुन नदिन विशेषज्ञता हासिल गरेका स्वास्थ्यकर्मीको टोली यथाशीघ्र प्रकोपस्थल खटाउन आयोगले भनेको छ ।

त्यस्तै, एसएलसी परीक्षा दिइरहेका विद्यार्थीको स्वास्थ्यप्रति विशेष ध्यान दिन पनि आयोगले सरकारलाई आग्रह गरेको छ ।

–कान्तिपुर दैनिकबाट
 

Hamro Doctor