काठमाण्डौं, ४ मंसिर । सरकारले सबै अस्पताल तथा स्वास्थ्य संस्थामा बिहान १० बजेदेखि बेलुका ५ बजेसम्म सेवा नदिए कारबाहि गर्ने भएको छ ।

स्वास्थ्य मन्त्रालयले सबै अस्पताल, प्राथमिक स्वास्थ्य केन्द्र र स्वास्थ्य चौकीमा सार्वजनिक बिदाको दिन बाहेक बिहान १० बजेदेखि ५ बजेसम्म सेवा दिए नदिएकोबारे कडाइका साथ अनुमगन गर्ने भएको छ ।

तोकिएको समयसम्म सेवा नदिए सम्बन्धित स्वास्थ्य संस्थाका प्रमुखलाई कारवाही गर्ने स्वास्थ्य मन्त्रालयले जनाएको छ । आफू नजिकैको अस्पताल, प्राथमिक स्वास्थ्य केन्द्र वा स्वास्थ्य चौकीमा तोकिएको समयमा काम नभए स्वास्थ्य मन्त्रालयमा सूचना दिन मन्त्रालयले नागरिकलाई आग्रह गरेको छ ।

कात्तिक १५ देखि माघ १५ गतेसम्म भने बेलुकी ४ बजेसम्म र अन्य दिन साँझ ५ बजेसम्म सेवा दिनुपर्ने मन्त्रालयले जनाएको छ ।

 

Hamro Doctor