उच्च रक्तचाप (ब्लड प्रेसर हाई) को उपचार सम्भव रहेपनि विश्वमा हृदयघात तथा मुटु रोगका विरामीको संख्यमा कमी आएको छैन । बरु यो संख्या दिनप्रतिदिन बढ्दै गएको तथ्यांकले देखाउँदै आएका छन् ।

उच्च रक्तचाप अधिक भएमा यसले मुटुमा मात्र  नभई मानसिक स्वास्थ्यमा पनि नकारात्मक प्रभाव पार्ने गर्दछ । तर पनि उच्च रक्तचापलाई मानिसहरुले हलुका रुपमा लिने गरेका कारण यसको असर विश्वभर नै डरलाग्दो गरी बढिरहेको छ ।

त्यसैले उच्चरक्त चापसँग जोडिएका केही तथ्यको बारेमा जानकारी पाउँन आवश्यक देखिन्छ । उच्च रक्तचाप नियन्त्रणका बारेमा सचेतता अपनाउन सकियो भने यसलाई रोकथाम गर्न सकिने चिकित्सकहरुले बताउँदै आएका छन्

• उच्च रक्तचाप स्वास्थ्यको यस्तो समस्या हो जसको कुनै लक्षण हुँदैन । जुन व्यक्ति यसबाट पिडित रहेको छ यसलाई समस्या हुनुपूर्व कुनै चेतावनीको संकेत देखिदैन । तर जब उच्च रक्तचाप अधिक मात्रामा बढ्न जान्छ तव टाउको दुख्ने, स्वास–प्रस्वासमा समस्या आउन थाल्छ ।
• उच्च रक्तचाप भएको व्यक्तिलाई मुटु सम्बन्धी कुनै पनि समस्या हुने संभावना रहन्छ । उच्च रक्तचापबाट हृदयघात हुनुमात्र नभई मानव जीवनमै ठूलो आघात पुर्याउन सक्ने विशेषज्ञहरुले बताउँदै आएका छन् । त्यसैले उच्च रक्तचापलाई हलुका रुपमा लिनु मुर्खता हुन्छ ।  यसलाई नियन्त्रण राख्नका लागि समय समयमा जाँच गर्नुपर्छ ।
• अनुसन्धान अनुसार परिवारमा कसैलाई उच्च रक्तचाप तथा मोटापन छ भने अन्य सदस्यलाई पनि यो समस्या देखिन सक्ने सम्भवना अधिक रहन्छ । यसको अलावा शारीरिकरुपमा सक्रिय हुननसक्नु, नियमित रुपमा धेरै रक्सी सेवन गर्ने आदि कारण पनि उच्च रक्तचापको कारण बन्न सक्छ ।
• हाल उच्च रक्तचपका विरामीको संख्या बढिरहेको छ । एक अध्ययन अनुसार यो विश्वको सबै भन्दा धेरैमा देखिएको समस्या हो भने यसका विरामीहरुको संख्या पनि उच्च रहेको छ ।
• रक्तचाप सामान्य बनाउनका लागि धेरै तरिका अपनाउन सकिन्छ । चिकित्सद्वारा दिइएको औषधि बाहेक, शारीरिकरुपमा सक्रिय रहने, सन्तुलित भोजन गर्ने, नुन कम मात्रामा खाने, स्वास्थ्यलाई हानी गर्ने गतिविधीबाट टाढा रहने जस्ता सामान्य उपाय अपनाउन सकियो भने रक्तचापलाई नियन्त्रणमा राख्न सकिन्छ ।

एजेन्सीको सहयोगमा

Hamro Doctor