नेपाल मेडिकल काउन्सिलको परीक्षा तालिका २०७९ सार्वजनिक
काठमाडौं, २२ जेठ । नेपाल मेडिकल काउन्सिलको परीक्षा तालिका २०७९ सार्वजनिक भएको छ ।
तालिका स्नातक तहको लाइसेन्स परीक्षा पहिलो पटक आगामी असोज ६,७ र ८ गते हुनेछ भने दोस्रो पटक माघ १२, १३ र १४ गते हुने छ ।
त्यस्तै, स्नातकोत्तर तर्फ पहिलो पटक विशेष परीक्षा साउन ६ र ७ गते, दोस्रो पटक मंसिर ९ र १० गते तथा तेस्रो पटक चैत १७ र १८ गते हुने तालिकामा छ ।
त्यसैगरी विदेशमा भर्ना भई नेपालमा इन्टर्नसिप गरेका विद्यार्थीले शिक्षा मन्त्रालयबाट इन्टर्नसिप अवधि पूरा गरेको तथा सम्बन्धित विश्वविद्यालयबाट अन्तिम प्रमाणपत्र प्राप्त गरेको हुनुपर्ने काउन्सिलले जनाएको छ ।
