देशभर २ हजार ४ सय ११ कोरोना परीक्षण गर्दा ६ जनामा संक्रमण पुष्टि
काठमाडौं,१६ जेठ । नेपालमा गत २४ घन्टामा कोरोना संक्रमणबाट मृत्यु हुनेको संख्या शून्य रहेको छ । योसँगै नेपालमा कोरोनाबाट मृत्यु हुनेको संख्या ११ हजार ९ सय ५२ पुगेको छ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ६ जनामा कोरोना संक्रमण पुष्टि भएको छ ।
मन्त्रालयले सार्वजनिक गरेको अद्यावधिक तथ्यांक अनुसार गत २४ घन्टामा २ हजार ४ सय ११ कोरोना परीक्षण गरिएको छ । जसमा १ हजार ५ सय ५३ आरटी पिसिआर विधिबाट कोरोना परीक्षण गर्दा ५ र ८ सय ५८ एन्टीजेन परीक्षण गर्दा १ जनामा कोरोना भाइरसको संक्रमण पुष्टि भएको छ ।
यस्तै गत २४ घन्टामा देशभर रहेका सक्रिय संक्रमितमध्ये १३ जना स्वस्थ भएका छन् । योसँगै कोरोनाबाट संक्रमणमुक्त हुनेको संख्या ९ लाख ६७ हजार ७८ पुगेको छ।
गत २४ घन्टामा १३खहजार ८ सय २९ जनाले कोरोनाविरुद्वको खोप लगाएका छन् । त्यस्तै सक्रिय संक्रमितको संख्या १ सय २ रहेको छ ।
