काठमाडौं,१२ जेठ । काठमाडौं महानगरपालिकामा आजदेखि ३ दिनसम्म कोरोनाविरुद्वको खोप  अभियान सञ्चालन हुने भएको छ । काठमाडौं महानगरपालिकाले खोप अभियान सञ्चालन गर्न लागेको हो ।

महानगरका  अनुसार ३२ वटै वडा कार्यालयका सामुदायिक शहरी स्वास्थ्य क्लिनिक र वडाले तोकेका स्थानमा खोप लगाउन सकिने छ । खोप बिहान १० देखि दिउँसो ४ बजेसम्म खोप लगाइने छ । 

पहिलो र दोस्रो डोज लगाएको ३ महिना पूरा भएका १८ वर्ष माथिका सबैलाई मोर्डना खोप र १२ वर्षदेखि र १७ वर्षसम्मका नागरिकलाई मोर्डना वा फाइजर खोप दिने महानगरले जनाएको छ ।  

दोस्रो डोज वा बुस्टर मात्रा लगाउनेले यसअघिको खोप कार्ड र पहिलो मात्रा लगाउन आउनेल परिचय खुल्ने कागजात ल्याउन महानगरले भनेको छ । 

Hamro Doctor