देशभर थपिए १९ जना नयाँ संक्रमित, २४ घन्टामा खोप लगाउनेको संख्या शून्य
काठमाडौँ, ३ जेठ । नेपालमा कोरोना भाइरसका कारण थप १९ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ४ हजार १ सय ९७ कोरोना परीक्षण गरिएको छ । जसमा ३ हजार ५ सय ६५ आरटी पिसिआर विधिबाट गरिएको परीक्षणमा १८ जना र ६ सय ३२ एन्टिजेन विधिबाट गरिएको परीक्षणमा १ जनामा कोरोना संक्रमण पुष्टि भएको छ ।
योसँगै नेपालमा हालसम्म ९ लाख ७९ हजार २२ आरटी पिसिआर विधिबाट र १ लाख ४० हजार २ सय ९ जनामा एन्टिजेन विधिबाट कोरोना संक्रमण पुष्टि भएको छ ।
यस्तै गत २४ घन्टामा देशभर रहेका सक्रिय संक्रमित मध्ये ८ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ९ लाख ६६ हजार ६ सय २१ पुगेको छ ।
गत २४ घन्टामा कोरोनाविरुद्धको खोप लगाउने र मृत्यु हुनेको संख्या शून्य रहेको .छ ।
हाल देशभर सक्रिय संक्रमितको संख्या १ सय ४९ रहेको छ ।
