थप १७ जनामा कोरोना सङ्क्रमण पुष्टि, २४ घन्टामा ९२ हजारभन्दा बढीले लगाए कोरोनाविरुद्धको खोप
काठमाडौँ, २२ वैशाख । देशभर थप १७ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार गत २४ घन्टामा देशभर ३ हजार ८ सय ११ कोरोना परीक्षण गरिएको छ । जसमा २ हजार ३ सय ७६ आरटी पिसिआर विधिबाट गरिएको परीक्षणमा १५ जना र १ हजार ४ सय ३५ एन्टिजेन विधिबाट गरिएको परीक्षणमा २ जनामा कोरोना सङ्क्रमण पुष्टि भएको हो ।
योसँगै नेपालमा हालसम्म आरटी पिसिआर विधिबाट कोरोना सङ्क्रमण पुष्टि हुनेको सङ्ख्या ९ लाख ७८ हजार ८ सय ९९ पुगेको छ भने एन्टिजेन विधिबाट कोरोना सङ्क्रमण पुष्टि हुनेको सङ्ख्या १ लाख ४० हजार १ सय ९८ पुगेको छ ।
यस्तै गत २४ घन्टामा देशभर रहेका सक्रिय सङ्क्रमितमध्ये थप १५ जना स्वस्थ भएका छन् । योसँगै नेपालमा हालसम्म कोरोना सङ्क्रमणमुक्त हुनेको सङ्ख्या ९ लाख ६६ हजार ७ सय ३० पुगेको छ ।
यस्तै गत २४ घन्टामा ९२ हजार ८८ जनाले कोरोनाविरुद्धको खोप लगाएका छन् भने हाल देशभर सक्रिय सङ्क्रमितको सङ्ख्या २ सय १७ रहेको छ ।
