२४ घन्टामा जम्मा ५ जनामा कोरोना सङ्क्रमण पुष्टि, १७ जना स्वस्थ
काठमाडौँ, १७ वैशाख । देशभर जम्मा ५ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार गत २४ घन्टामा देशभर २ हजार २ सय १४ कोरोना परीक्षण गरिएको छ । जसमा आरटी पिसिआर विधिबाट १ हजार ६६ कोरोना परीक्षण गर्दा ४ जना र एन्टीजेन विधिबाट १ हजार १ सय ४८ परीक्षण गर्दा १ जनामा कोरोना सङ्क्रमण पुष्टि भएको छ ।
योसँगै हालसम्म नेपालमा कोरोनाका कारण सङ्क्रमित हुनेको सङ्ख्या ११ लाख १९ हजार पुगेको छ ।
यस्तै गत २४ घन्टामा देशभर रहेका सक्रिय सङ्क्रमित मध्य थप १७ जना स्वस्थ भएका छन् भने मृत्यु हुनेको सङ्ख्या शून्य रहेको छ ।
हालसम्म नेपालमा कोरोनाका कारण सङ्क्रमित भएका मध्य निको हुनेको सङ्ख्या ९ लाख ६६ हजार ६ सय २९ पुगेको छ भने ११ हजार ९ सय ५१ जनाको मृत्यु भएको छ ।
हाल देशभर सक्रिय सङ्क्रमितको सङ्ख्या २ सय ३० रहेको छ ।
