काठमाडौं,८ वैशाख । नेपाल औषधि उत्पादक संघ (एपोन) ले गर्न लागेको  आठौं नेपाल फर्मा एक्स्पो २०२२ को तयारी पूरा भएको छ ।

चितवनको भरतपुरमा चितवन एक्स्पो सेन्टरमा हुन लागेको आठौं फर्मा एक्स्पोको अन्तिम तयारी पूरा भइसकेको एपोनका उपाध्यक्ष सन्तोष बरालले बताए ।

यही वैशाख ९ गते दिउँसो १ बजे राष्ट्रपति राष्ट्रपति विद्यादेवी भण्डारीद्वारा एक्स्पोको उद्घाटन हुने कार्यक्रम रहेको उनले बताए । 

एपोनले नेपालमा उत्पादन हुँदै आएका औषधि र औषधि उत्पादनमा प्रयोग हुने प्रविधि, औजार, विभिन्न किसिमका मेसिन, कच्चापदार्थ, प्याकेजिङ लगायतमा भएका विकास र उपलब्धिहरुको प्रदर्शनी प्रत्येक दुई बर्षमा नेपाल फर्मा एक्स्पो मार्फत गर्दै आएको छ । 
 

Hamro Doctor