गत २४ घन्टामा ५ हजार ४ सय ७१ कोरोना परीक्षण गर्दा ४२ संक्रमित थपिए
काठमाडौं,१५ चैत । नेपालमा गत २४ घन्टामा कोरोना संक्रमणबाट मृत्यु हुनेको संख्या शून्य रहेको छ । योसँगै नेपालमा कोरोनाबाट मृत्यु हुनेको संख्या ११ हजार ९ सय ५१ पुगेको छ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ४२ जनामा कोरोना संक्रमण पुष्टि भएको छ ।
मन्त्रालयले सार्वजनिक गरेको अद्यावधिक तथ्यांक अनुसार गत २४ घन्टामा ५ हजार ४ सय ७१ कोरोना परीक्षण गरिएको छ । जसमा ४ हजार ३ सय २२ आरटी पिसिआर विधिबाट कोरोना परीक्षण गर्दा ३० र १ हजार १ सय ४९ एन्टीजेन परीक्षण गर्दा १२ जनामा कोरोना भाइरसको संक्रमण पुष्टि भएको छ ।
यस्तै गत २४ घन्टामा देशभर रहेका सक्रिय संक्रमितमध्ये ८६ जना स्वस्थ भएका छन् । योसँगै नेपालमा कोरोना संक्रमणबाट निको हुनेको संख्या ९ लाख ६५ हजार २ सय २८ पुगेको छ।
गत २४ घन्टामा देशभर ५० हजार १ सय ५१ जनाले कोरोनाविरुद्वको खोप लगाएका छन ।
