२४ घन्टामा ३ सय २० जना कोरोना संक्रमणमुक्त, थप १ जनाको मृत्यु
काठमाडौं, २३ फागुन । नेपालमा कोरोना संक्रमणमुक्त हुनेको संख्या पछिल्लो समय नयाँ संक्रमित थपिनेको भन्दा बढेको छ ।
गत २४ घन्टामा देशभर रहेका सक्रिय संक्रमितमध्ये ३ सय २० जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ९ लाख ५९ हजार ४ सय ६९ पुगेको छ ।्
स्वास्थ्य तथा जनसंख्या मन्त्रालयका अनुसार गत २४ घन्टामा देशभर थप १ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ११ हजार ९ सय ४८ पुगेको छ ।
मन्त्रालयले सार्वजनिक गरेको अद्यावधिक तथ्यांक अनुसार गत २४ घन्टामा देशभर जम्मा ८८ जनामा कोरोना संक्रमण पुष्टि भएको छ ।
गत २४ घन्टामा ८ हजार ६ सय ३८ कोरोना परीक्षण गरिएको छ । जसमा ६ हजार १ सय ४५ आरटी पिसिआर परीक्षणमा ६६ जना र २ हजार ४ सय ९३ एन्टिजेन परीक्षणमा २२ जनामा कोरोना संक्रमण देखिएको छ ।
हाल देशभर ६ हजार १ सय ५० सक्रिय संक्तमित रहेका छन् भने गत २४ घन्टामा २ लाख ३३ हजार ८ सय ५१ जनाले कोरोनाविरुद्धको खोप लगाएका छन् ।
