जाडो याममा शरीर वा कोठालाई न्यानो बनाइराख्न आगो ताप्ने,हिटर बाल्ने,गिजरको प्रयोग गर्ने लगायतका उपायहरु गरिए पनि पर्याप्त सावधानी नअपनाउँदा अप्रिय घटनाहरु हुने गरेका छन । 

त्यसैले त्यस्ता कार्य गर्दा सावधानीका निम्न उपायहरु अपनाऔँ
-हावा ओहोरदोहोर हुने ठाउँ वा कोठामा मात्र आगो ताप्ने,हिटर बाल्ने वा गिजरको प्रयोग गर्ने गरौँ ।
-कोइला जन्य स्रोतबाट सकेसम्म आगो नतापौँ ।
-आगो ताप्दा वा हिटर बाल्दा कागज,कपडा जस्ता छिटो जल्ने खालका सामग्रीहरु नजिकै नराखौँ । 
-आगो तापिसकेपछि त्यसलाई पूर्ण रुपमा निभाउने गरौँ ।
-हिटरको प्रयोग गर्दा समय-समयमा चलिरहेको हिटरलाई बन्द गर्ने गरौँ ।
-सुत्नुअघि अनिवार्य रुपमा हिटरलाई निभाउने गरौँ ।
-गिजरको मुख्य मेसिनलाई बाथरुम बाहिर खुल्ला ठाउँमा जडान गरौँ ।
-गिजर खोलेर लामो समयसम्म बाथरुममा बस्ने नगरौँ । 
 

Hamro Doctor