आवश्यक ठाउँ हेरेर मात्रै लकडाउन गर्छौं : स्वास्थ्यमन्त्री खतिवडा
काठमाडौं,२९ पुस । स्वास्थ्य तथा जनसंख्या मन्त्री विरोध खतिवडाले आवश्यक ठाउँ हेरेर मात्रै लकडाउन गरिने बताएका छन ।
बिहीवार कीर्तिपुर अस्पतालमा आयोजित कार्यक्रममा बोल्दै मन्त्री खतिवडाले सरकार लकडाउन गर्ने पक्षमा नरहेको बताएका हुन ।
मन्त्री खतिवडाले भने,'विश्वमा, युरोपेली देशहरुमा लकडाउन भनेको सुन्यौँ, यो नयाँ कुरा भयो, त्यसैअनुसार गर्यौँ। हामी पनि आतंकित भयौँ। गर्नुपर्ने बेलामा गरेनौँ, अघि पछि गर्यौँ।'
उनले लकडाउनले गर्दा देशको आर्थिक, सामाजिक र शैक्षिक क्षेत्रमा धेरै असर गरेको भन्दै अब लकडाउन नै समाधान हो भन्ने किसिमबाट सरकार नजाने बताए ।
मन्त्री खतिवडाले सरकार स्वास्थ्य क्षेत्रमा विशेष तयारीका साथ काम गरिरहेकोले लकडाउन हुन्छ भनेर आत्तिनु नपर्ने बताए ।
Last modified on 2022-01-13 16:43:41
