नेपाल जनस्वास्थ्य संघको अध्यक्षमा बसन्त अधिकारी निर्वाचित
काठमाडौं, २५ पुस । नेपाल जनस्वास्थ्य संघको शनिबार सम्पन्न भएको निर्वाचनमा बसन्त अधिकारी निर्वाचित भएका छन् ।
कृष्णमान शाक्य र महेश्वर श्रेष्ठलाई हराउँदै बसन्त अधिकारीले ५९२ मत ल्याएर निर्वाचित भएका हुन् ।
साथै उपाध्यक्षमा प्रगतिशील समूहका सुदर्शन पौडेललाई पराजित गर्दै ७२७ मत सहित पेशागत समूहकी बिमला भट्ट विजयी भएकी छिन् ।
त्यस्तै महासचिवमा पेशागत तर्फका सागर दाहालले ६४६ मत ल्याएर प्रगतिशील तर्फका कैलाश खाकीलाईपछि पार्दै निर्वाचित भएका हुन् ।
सचिवमा पेशागत तर्फका रोशन लामा ७१९ मत ल्याएर निर्वाचित भएका छन् भने प्रगतिशील तर्फका तेज प्रसाद दुलाल ४४८ मत ल्याएर पराजित भएका छन् ।
कोषाध्यक्षमा पेशागत तर्फका चेतराज पण्डित ६२२ मत सहित निर्वाचित भएका छन् । त्यसैगरी सहकोषाध्यक्षमा पनि पेशागत तर्फकै उमा थापा निर्वाचित भएकी छिन् ।
