वण्डर ल्याण्ड फन पार्कको आयोजनामा रक्तदान
नेपालगञ्ज, १ पुस । बाँकेको वण्डर ल्याण्ड फन पार्कको आयोजनामा बुधबार रक्तदान सम्पन्न भएको छ । ‘रक्तदान जीवनदान’ मूल नाराका भएको रक्तदान कार्यक्रममा महिला, पुरुष गरी ३५ जनाले उत्साहपूर्वक रक्तदान गरेका छन् । नेपालगञ्ज उपहानगरपालिका वार्ड नं.२० मनिकापुर कोठारपुरको अगाडी रहेको वण्डर ल्याण्ड फन पार्कले आयोजना गरेको रक्तदान कार्यक्रममा व्यापारी, स्वयंसेवी रक्तदाता, समाजसेवी, वण्डर ल्याण्ड फन पार्कका कर्मचारी लगायत ३५ जना महिला, पुरुषले रक्तदान गरेका छन् । रक्तदान कार्यक्रममा वण्डर ल्याण्ड फन पार्कका म्यानेजर क्षितिज श्रेष्ठले १ पिन्ट रगत दिएर कार्यक्रमको उद्घाटन गरेका थिए ।
यसरी सो कार्यक्रममा खेमराज चौधरी, राम चन्द्र, दिव्यदेव शाही, सुरेश चौधरी, बीर बहादुर थारु, विशेषराज थापा, अरबिन गुप्ता, सिमरजित सिंह, मनोज चौधरी, सरोज लिम्बु, प्रेम बहादुर ओली, मदन खाँड, सुजन थापा, गौरव थापा, गणेश ओली, नितिज श्रेष्ठ, भिम बहादुर कनुवार, भगत श्याम शाह, मञ्जिला बोहरा, रोजिना, सिद्धार्थ श्रेष्ठ, बिष्णु उपाध्याय, अकिंत कुमार, विजय थापा, नबिन थापा, रघु चन्द धामी, गौरब बाबु बैश्य, आशा, भिम सुनार र स्वताँक यादव लगायत ३५ जनाले रक्तदान गरेका छन् ।
वण्डर ल्याण्ड फन पार्कका एमडी शिवाँशु यादव र म्यानेजर क्षितिज श्रेष्ठले संयुत रुपमा नेपाल रेडक्रस सोसाइटी बाँके शाखाद्वारा सञ्चालित प्रादेशिक रक्त सेवा केन्द्र नेपालगन्जका प्राविधिक सुनिता कुमाई र ममता खड्कालाई रगत संकलन गर्ने पाकेट हस्तान्तरण गरेका थिए । रक्तदान कार्यक्रममा प्रादेशिक रक्त सेवा केन्द्र नेपालगन्जका प्रमुख उपेन्द्र रेग्मी, होमराज गिरी, सुनिता कुमाई, ममता खड्का र खगेन्द्र भट्टराई बैकुण्ठ रेग्मी लगातयले प्राविधिकमा सहयोग गरेका थिए ।
