ललितपुर महानगरमा पौष ५ गतेसम्म फाइजरको दोस्रो डोज लगाइँदै
काठमाडौं,२८ मंसिर । ललितपुर महानगरपालिकाले कोभिड–१९ विरुद्धको फाइजर खोपको दोस्रो डोज लगाउन सुरु गरेको छ ।
मंगलबार महानगरले एक सूचना जारी गर्दै कात्तिक २८ गतेदेखि मंसिर ११ गतेसम्म फाइजर बायोनटेकको पहिलो डोज लगाएकाहरुलाई दोस्रो डोज लगाउन सुरु गरेको जनाएको हो ।
सूचनामा खोप पाटन अस्पतालमा बिहान ९ बजेदेखि दिउँसो १ बजेसम्म खोप लगाउन सकिने बताइएको छ ।
मंसिर २७ गतेदेखि पुस ५ गतेसम्म सञ्चालन हुने खोप कार्यक्रममा खोप लगाउन जाँदा पहिलो डोज खोप लगाएको कार्ड लिएर जान महानगरले आग्रह गरेको छ ।
