काठमाडौं, २० मंसिर । नेपालमा पहिलोपटक कोरोनाको नयाँ स्वरुप ओमिक्रोन पुष्टि भएको छ । 

मन्त्रालयले सोमवार पत्रकार सम्मेलन गरी विदेशबाट आएका २ जना व्यक्तिमा कोरोना नयाँ स्वरुप ओमिक्रोन पुष्टि भएको बताएको हो ।

मन्त्रालयका सह प्रवक्ता डा.समिर कुमार अधिकारीले नेपाल आएका एक जना ६६ वर्षका र अर्का ७१ वर्षका नागरिकमा कोरोनाको ओमिक्रोन पुष्टि भएको जानकारी दिए । 

उनले हाल ती व्यक्ति चिकित्सकको निगरानीमा स्वास्थ्य लाभ गरिरहेको पनि बताए । 

डा.अधिकारीका अनुसार नेपाल प्रवेश गर्दा ती व्यक्तिहरूमा कोरोना नभएको पिसिआर रिपोर्ट ल्याएको र पूर्ण मात्रा खोप पनि लगाएको देखियो । तर, सरकारले बाहिरबाट आएकाहरूलाई आशङ्काको आधारमा नेपालमै जिन सिक्वेन्सिङ गर्दा दुबै जनामा ओमिक्रोन पुष्टि भएको हो । 

Hamro Doctor