कोरोनाबाट २४ घन्टामा मृत्यु शून्य
काठमाडौं, १७ मंसिर । नेपालमा पछिल्लो २४ घण्टामा कोरोना संक्रमण भएर कसैको पनि मृत्यु भएको छैन।
स्वास्थ्य मन्त्रालयका अनुसार देशभर भने थप २४६ जनामा कोरोना संक्रमण पुष्टि भएको छ।
यस्तै शुक्रबार काठमाडौँ उपत्यकामा थप ९३ जनामा कोरोना संक्रमण पुष्टि भएको छ।
काठमाडौँमा ५५, भक्तपुरमा ९ र ललितपुरमा २९ जना संक्रमित थपिएका हुन्।
शुक्रबार ३४७ जना कोरोना संक्रमणमुक्त भएका छन्।
हाल देशभर ६ हजार९२१ सक्रिय संक्रमित रहेका छन्।
गत चौबीस घन्टामा ६ हजार ४०० पीसीआर तथा १ हजार ४३६ एन्टिजेन परीक्षण भएको छ।
