धनगढीमा ‘बेसिक फर नर्स’ तालिम सम्पन्न
धनगढी, १६ मंसिर । धनगढीमा दुई दिने ‘बेसिक फर नर्स’ तालिम सम्पन्न भएको छ।
नेपाल क्रिटिकल केयर फाउण्डेसन, उज्वल फाउण्डेसन र निसर्ग हस्पिटलको सहकार्यमा उक्त तालिमको आयोजना गरिएको थियो। सो तालिम युनिभर्सिटी अफ हङकङबाट मान्यता प्राप्त तालिम हो भने क्रिटिकल केयर नर्स यसोसियसन अफ नेपालबाट अनुमोदन भएको हो।
नेपाल क्रिटिकल केयर फाउन्डेसनले यस्तो तालिम देशका विभिन्न स्थानमा गर्दै आए पनि धनगढीमा भने पहिलोपटक सञ्चालन गरेको हो।
यो तालिमले आइसीयूमा काम गर्दा चाहिने सीपलाई समावेस गरिएको आयोजकले बताएको छ।
निसर्ग हस्पिटलका एनेस्थेसियोलाजिस्ट डा हेमन्त ओझाले यो तालिमले नर्सहरूको क्षमता वृद्धिमा थप सहयोग मिल्ने बताए।
