भक्तपुर, १२ मंसिर ।  सांगीतिक अभियानकर्ता भक्तपुर सांगीतिक समाजको आयोजनामा भक्तपुर सूर्यविनायकमा रक्तदान कार्यक्रम सम्पन्न भएको छ । २०७४ मंसिर १२ गते औपचारिक सुरुवात गरेको सांगीतिक समाजले पाँचौ स्थापना दिवसको अवसरमा  रक्तदान कार्यक्रमको आयोजना गरेको हो । 

भक्तपुर सांगीतिक समाजको यो सामाजिक उत्तरदायित्व निर्वाह कार्यमा राग रागीनी इन्टरटेण्ट्मेन्ट प्रा. लि. सल्लाघारी भक्तपुर र न्हेस त्वः अजिमा बचत तथा ऋण सहकारी संस्था लिमिटेड सूर्यविनायक भक्तपुरले सहयोग गरेको थियो । कार्यक्रममा २५ जना रक्तदाताहरुले रक्तदान गरेका थिए । 

कार्यक्रमलाई रोचक बनाउन विभिन्न कलाकारहरुले आफ्नो सहभागीता र गीत संगीत प्रस्तुत गरेका थिए । गायकहरु राजे समान के. सी, कपिल कसपाल, बिजेन्द्र चवाल, प्रविन शाही, विनोदराज ढुंङेल, श्रीजल मधिकर्मीले आफ्नो सांगीतिक प्रस्तुती दिएका थिए भने रक्तदाताहरुको हौसला बढाउन वरिष्ठ गीतकार शुभाषचन्द्र ढुंगेल, गायक अजर जंगम, शास्त्रीय गायक सुनिल लोहला, संगीतकार हेम लामा र सुमन रञ्जितकार, त्यसै गरेर साहित्यकार अनिश शाक्यसहित संचारकर्मी मतिना लिबि, रेणु त्वायनाबासुलगायतको कार्यक्रमको सहयोग रहेको थियो । 

Hamro Doctor