काठमाडौं,१० मंसिर । नेपाल मेडिकल काउन्सिलको निर्वाचन अन्तर्गत शुक्रबार र शनिबार मतदान हुँदैछ ।

शुक्रबार र शनिबार धुलिखेल र काठमाडौं उपत्यकामा मतदान हुँदैछ। धुलिखेलमा भने शुक्रबार मात्र मतदान हुनेछ ।

धुलिखेलको स्कील ल्याब भवनमा मतदान हुनेछ भने काठमाडौं उपत्यकाभित्र नेपाल प्रज्ञा प्रतिष्ठान कमलादीमा र स्थानीय विकास प्रशिक्षण प्रतिष्ठानमा हुनेछ ।

काउन्सिलको १ उपाध्यक्ष र ८ सदस्यका लागि ३५ जनाको चुनावी मैदानमा छन् । उपाध्यक्षका लागि तीन र आठ सदस्यका लागि ३२ जनाको उम्मेदवारी परेको छ।

यसअघि उपत्यका बाहिर १८ स्थानमा भएको मतदानमा ५ हजार मत खसेको छ।

Hamro Doctor