स्वास्थ्य मन्त्री र अमेरिकी विदेश सहायक मन्त्रीले गरे फाइजर खोप अभियानको अवलोकन
काठमाडौं,२ मंसिर । स्वास्थ्य मन्त्री विरोध खतिवडा र अमेरिकी विदेश सहायक मन्त्री डोनाल्ड लु ले सयुक्त रुपमा फाइजर खोप अभियानको अवलोकन गरेका छन् ।
उनीहरुले त्रि. वि. शिक्षण अस्पताल महाराजगञ्जमा बालबालिकाहरुलाइ कोरोना विरुद्धको अमेरिकी फाइजर खोप लगाइरहेको अवस्थाको अवलोकन गरेका हुन् ।
अवलोकनमा स्वास्थ्य मन्त्री विरोध खतिवडाले फाइजर खोपको सुरुवात अमेरिकी विदेश सहायक मन्त्रीसँग गर्न पाएकोमा धेरै खुशी लागेको बताए ।
खतिवडाले आगामि दिनमा पनि कोभिड विरुद्धको लडाइमा अमेरिकासँग सँगसँगै रहने र अमेरीकासँगको मित्रता र सहयोग निरन्तर रहने बताए ।
त्यस्तै अमेरिकी सहायक विदेशमन्त्री डोनाल्ड लु ले कोरोनाविरुद्धको फाइजर ढुक्कसँग लगाउन आग्रह गरेका छन् । उनले आफ्नो १६ वर्षीय छोरीले समेत फाइजर खोप लगाएको जानकारी दिदै कोरोनाबाट बच्ने खोप नै प्रभावकारी विकल्प भएकाले सबैले खोप लगाउनुपर्ने बताए ।
अमेरिकाले कोभ्याक्स सुविधाअन्तर्गत नेपाललाई १ लाख ६ सय २० मात्रा फाइजर खोप सहयोग गरेको छ ।
