काठमाडौं, १५ कात्तिक । देशभर पछिल्लो २४ घण्टामा ४९० जना कोरोना संक्रमण मुक्त भएका छन्। त्यस्तै ५३३ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ७ हजार ४६८ जनको पीसीआर परीक्षण गर्दा ४४१ जना र ४ हजार १९६ जनाको एन्टिजेन परीक्षण गर्दा ९२ जना गरी ५३३ जनामा कोरोना भाइरसको संक्रमण देखिएको हो।

यस्तै पछिल्लो २४ घण्टामा कोरोना संक्रमणबाट ९ जनाको मृत्यु भएको छ। यससँगै कूल मृतकको संख्या ११ हजार ४१६ पुगेको छ। 

कूल निको हुनेको संख्या ७ लाख ९२ हजार २७७ पुगेको छ। कूल संक्रमितको संख्या पीसीआर विधिबाट ८ लाख १३ हजार ११ र एन्टीजेनबाट ९४ हजार ६२७ पुगेको छ। 

नेपालमा हाल ९ हजार ३१८ जना सक्रिय संक्रमित रहेका छन्। 
 

Hamro Doctor