माल्दिभ्स सरकारले उपलब्ध गराएको एस्ट्राजेनेका खोप आज नेपाल आउँदै
काठमाडौं, १४ कात्तिक । माल्दिभ्स सरकारले उपलब्ध गराएको कोरोनाविरुद्धको खोप आज नेपाल आइपुग्दैछ ।
आज दिउँसो २ लाख १ हजार ६ सय डोज एस्ट्राजेनेका खोप नेपाल आइपुग्ने स्वास्थ्य सेवा विभाग अन्तर्गतको आपूर्ति तथा व्यवस्थापन शाखाका प्रमुख उपेन्द्र ढुंगानाले बताए ।
उनका अनुसार कतार एयरको नियमित उडानमार्फत् आज दिउसो १ बजे उक्त खोप नेपाल आइपुग्ने छ ।
यो खोपको दोस्रो मात्रा लगाउन बाँकी रहेका जिल्लामा पठाउने सरकारको योजना रहेको पनि उनले जानकारी दिए ।
Last modified on 2021-10-31 14:47:28
