नेपालमा संक्रमणदर घट्दो,२४ घन्टामा थपिए ७ सय ६४ संक्रमित
काठमाडौं,२२असोज । गत २४ घन्टामा देशभर ७ सय ६४ जनामा कोरोना संक्रमण पुष्टि भएको छ भने १ हजार ३३ जना स्वस्थ भएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा १० हजार ६ सय ८८ कोरोना परीक्षण गरिएको छ । जसमा ९ हजार ४ सय ६६ आरटी पिसिआर विधिबाट गरिएको परीक्षणमा ७ सय १५ जना र १ हजार २ सय २२ एन्टीजेन परीक्षण गर्दा ४९ जनामा कोरोना संक्रमण देखिएको छ ।
योसँगै हालसम्म नेपालमा ८ लाख ९३ हजार ८ सय ३६ जनामा कोरोना संक्रमण पुष्टि भएको छ । हालसम्म देशभर कोरोना संक्रमित भएकामध्ये ७ लाख ७४ हजार १ सय ७३ जना स्वस्थ भएका छन् ।
गत २४ घन्टामा देशभर थप १० जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ११ हजार २ सय १० पुगेको छ ।
त्यस्तै गत २४ घन्टामा देशभर ४३ हजार ९ सय ४१ जनाले कोरोनाविरुद्धको खोप लगाएका छन् । योसँगै कोरोनाविरुद्धको पूर्ण मात्रा खोप लगाउनेको संख्या ६४ लाख ४१ हजार ६ सय ३२ पुगेको छ ।
नेपालमा हाल १५ हजार ६ सय १४ सक्रिय संक्रमित रहेका छन् भने ३३ सय १३ जना आईसीयूमा र ११३ जना भेन्टिलेटरमा रहेका छन् ।
