काठमाडौं,२२ असोज । आजदेखि  काठमाडौं महानगरपालिकामा कोरोनाविरुद्धको पहिलो डोज खोप लगाईदै छ ।

महानगरले  ३२ वटै वडामा रहेको खोप केन्द्रमा खोप लगाउने कार्यक्रम सञ्चालन हुने  जनाएको छ । 

त्यस्तै नेपाल प्रहरी, वीर, निजामती, परोपकार प्रसुती र वीरेन्द्र सैनिक अस्पतालमा पनि खोप लगाउने व्यवस्था रहेको काठमाडौं महानगरपालिकाले जनाएको छ ।

खोप विहान १० बजेदेखि ४ बजेसम्म लगाउन पाइने छ । खोप लगाउन जाँदा परिचय खुल्ने फोटो सहितको परिचय पत्र र विद्युतीय दर्ता नम्बरसहित नजिकको खोप केन्द्रमा गई भिडभाड नगरी खोप लगाउन महानगरपालिकाले नगरबासीहरुलाई अनुरोध गरेको छ ।

Hamro Doctor