कृष्णनगरमा फैलिएको प्रकोप अनुसन्धानका लागि चिकित्सक टोलि परिचालन
काठमाडौं, २१ असोज । कपिलवस्तु जिल्लाको कृष्णनगर नगरपालिकामा फैलिएको झाडापखालाको प्रकोप नियन्त्रणका लागि चिकित्सक टोलि परिचालन गरिएको स्वास्थ्य मन्त्रालयले जनाएको छ ।
मन्त्रालयका अनुसार प्रकोप नियन्त्रण,व्यवस्थापन तथा अनुसन्धान गर्न इपिडीमियोलोजी तथा रोग नियन्त्रण महाशाखाबाट आवश्यक औषधि तथा सामग्री लिएर चिकित्सक सहितको टोलि आज बिहानै बाट परिचालित भइरहेको छ ।
मन्त्रालयले दिएको तथ्यांक अनुसार आज बिहान ९ बजेसम्ममा ३७० जना भर्ना गरी उपचार गरिएको,जसमध्येमा २२८ जना स्वास्थ्य संस्था तथा अस्पतालबाट डिस्चार्ज भइसकेका छन् । त्यस्तै ११० जना उपचाररत रहेको र ३२ जनालाई तौलिहवा अस्पताल र लुम्बिनी प्रादेशिक अस्पतालमा रेफर गरिएको छ ।
त्यसैगरी ५ वटा बिरामीहरुको दिशाको नमुना संकलन गरी प्रयोगशालामा परक्षण भइरहेको र नतिजा आउन बाकि रहेको मन्त्रालयले जनाएको छ ।
कृष्णनगर नगरपालिकाको वडा नम्बर ५, ७, ८, ९ मा झाडापखालाको प्रकोप फैलिएको छ । प्रकोप नियन्त्रणका लागि मन्त्रालयको चिकित्सक टोलि त्यहाँ पुगेको छ ।
