गत २४ घन्टामा ९ सय बढी स्वस्थ हुँदा थपिए १ हजार ७८ कोरोना संक्रमित
काठमाडौं, १४ असोज । गत २४ घन्टामा देशभर थप १ हजार ७८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ११ हजार ७ सय ६५ कोरोना परीक्षण गर्दा १ हजार ७८ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ८ हजार ५ सय ५५ पीसीआर परीक्षण गर्दा ८ सय ९८ र ३ हजार २ सय १० एन्टिजेन परीक्षण गर्दा १ सय ८० जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये ९ सय ११ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ६५ हजार ७ सय ५८ जना पुगको छ ।
Last modified on 2021-10-01 11:37:12
