देशभर १४ हजार बढी कोरोना परीक्षण गर्दा थपिए १ हजार १ सय ५७ संक्रमित
काठमाडौं,१३ असोज । गत २४ घन्टामा देशभर थप १ हजार १ सय ५७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १४ हजार ५ सय ४१ कोरोना परीक्षण गर्दा १ हजार १ सय ५७ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १० हजार ६ सय ५२ पीसीआर परीक्षण गर्दा ८ सय ९२ र ३ हजार ८ सय ८९ एन्टिजेन परीक्षण गर्दा २ सय ६५ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये १ हजार १ सय १३ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ६४ हजार ८ सय ४७ जना पुगको छ ।
Last modified on 2021-09-30 07:20:26
