गत २४ घन्टामा कोरोना संक्रमित भन्दा स्वस्थ हुनेको संख्या बढी
काठमाडौं,१२ असोज । गत २४ घन्टामा देशभर थप १ हजार १ सय ५८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १४ हजार ३ कोरोना परीक्षण गर्दा १ हजार १ सय ५८ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ११ हजार ६ सय ७२ पीसीआर परीक्षण गर्दा ९ सय ४ र २ हजार ३ सय ३१ एन्टिजेन परीक्षण गर्दा २ सय ५४ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये १ हजार ३ सय १८ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ६३ हजार ७ सय ३४ जना पुगको छ ।
Last modified on 2021-09-29 06:59:54
