देशभर १५ हजार बढी कोरोना परिक्षण गर्दा थपिए १ हजार २ सय ८२ संक्रमित
काठमाडौं,११ असोज । गत २४ घन्टामा देशभर थप १ हजार २ सय ८२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १५ हजार ४ सय ८८ कोरोना परीक्षण गर्दा १ हजार २ सय ८२ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १२ हजार ८१ पीसीआर परीक्षण गर्दा ९ सय ७५ र ३ हजार ४ सय ७ एन्टिजेन परीक्षण गर्दा ३ सय ७ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये १ हजार २ सय ६२ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ६२ हजार ४ सय १६ जना पुगको छ ।
Last modified on 2021-09-28 07:18:27
