पछिल्लो २४ घन्टामा कोरोना संक्रमित भन्दा स्वस्थ हुनेको संख्या दोब्बर
काठमाडौं, ३ भदौ । गत २४ घन्टामा देशभर थप ७ सय ३४ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १० हजार १३ कोरोना परीक्षण गर्दा ७ सय ३४ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ७ हजार ३ सय ४ पीसीआर परीक्षण गर्दा ६ सय ५६ र २ हजार ७ सय ९ एन्टिजेन परीक्षण गर्दा ७८ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये १ हजार ४ सय १३ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ४९ हजार ३ सय १३ जना पुगको छ ।
Last modified on 2021-09-20 13:45:19
