सरकारले फाजिलमा रहेका स्थायी कर्मचारीलाई कोभिड प्रतिकार्यमा खटाउने
काठमाडौं,३० भदौ । सरकारले फाजिलमा रहेका स्थायी कर्मचारीलाई कोभिड प्रतिकार्यमा खटाउने भएको छ ।
स्वास्थ्य तथा जनसंख्या मन्त्रालयले एक सूचना जारी गर्दै फाजिलमा रहेका कर्मचारीलाई कोभिड १९ प्रतिकार्यका लागि जनस्वास्थ्य निरीक्षकका रुपमा खटाउने जनाएको छ ।
इपिडिमियोलोजी तथा रोग नियन्त्रण महाशाखाले फाजिलमा रहेका कर्मचारीलाई सात दिनभित्र रीतपूर्वक दरखास्त दिन आह्वान गरेको छ ।
जनस्वास्थ्य निरीक्षक परिचालन सम्बन्धी पदपूर्ति समितिको मंगलबार बसेको बैठक अनुसार महाशाखाले ७ दिनभित्र दरखास्त दिन आह्वान गरेको हो ।
फाजिलमा रहेका कर्मचारीले फाजिलमा रहेको कागजपत्र र जनस्वास्थ्य विषयमा स्नातक गरी काउन्सिल दर्ता प्रमाणपत्र बुझाउनु पर्ने छ ।
