देशभर १ हजार ५ सय ६२ संक्रमित थपिँदा १ हजार ५ सय ८९ जना संक्रमणमुक्त
काठमाडौं,२९ भदौ । गत २४ घन्टामा देशभर थप १ हजार ५ सय ६२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १४ हजार ४ सय ४३ कोरोना परीक्षण गर्दा १ हजार ५ सय ६२ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १० हजार २ सय ६६ आरटी पिसिआर परीक्षण गर्दा १ हजार १ सय ८० र ४ हजार १ सय ७७ एन्टीजेन परीक्षण गर्दा ३ सय ८२ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये १ हजार ५ सय ८९ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ४२ हजार ३ सय ६ पुगको छ ।
Last modified on 2021-09-15 09:20:11
