काठमाडौं, २२ भदौ । सरकारले यस वर्षको निजामती कर्मचारी दिवसमा स्वास्थ्य तर्फ डा. भिमसिंह तिंकरीलाई सम्मान गर्ने भएको छ ।

आज मनाउन लागिएको निजामती दिवसको अवसरमा सरकारले ४० जना निजामती कर्मचारीलाई सम्मानित गर्ने भएको छ । जसमा स्वास्थ्य तर्फ स्वास्थ्य सेवा विभागका निर्देशक डा.तिंकरीलाई सम्मान गर्ने भएको हो ।

मन्त्रिपरिषद्को सोमबार बसेको बैठकले ४० जना कर्मचारीलाई पुरस्कृत गर्ने निर्णय गरेको हो । जसअनुसार १० जनालाई उत्कृष्ट निजामती कर्मचारी पुरस्कार र ३० जनालाई निजामती सेवा पुरुस्कार प्रदान गर्न लागिएको हो ।

सरकारले हरेक वर्ष सर्वोत्कृष्ट, उत्कृष्ट र निजामति सेवा गरेर सम्मान गर्दै आएको छ । कर्मचारीको काम र सेवाको मूल्यांकन गरेर यो सम्मान दिने गरिएको छ ।

Hamro Doctor