गत २४ घन्टामा १ लाख बढीले लगाए कोरोना खोप,थपिए १ हजार ८ सय ९७ संक्रमित
काठमाडौं, २१ भदौ । नेपालमा थप १ हजार ८ सय ९७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १५ हजार ९ सय ७९ कोरोना परीक्षण गर्दा १ हजार ८ सय ९७ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये थप १ हजार ७ सय ४३ जना स्वस्थ भएका छन् । योसंगै नेपालमा हालसम्म कोरोना संक्रमण मुक्त हुनेको संख्या ७ लाख २८ हजार ९ सय २८ पुगेको छ ।
यस्तै गत २४ घन्टामा देशभर थप २० जनाको कोरोनाका कारण मृत्यु भएको छ । योसंगै नेपालमा कोरोनाका कारण मृत्यु हुनेको संख्या १० हजार ८ सय ५८ पुगेको छ ।
हाल देशभर सक्रिय संक्रमितको संख्या ३० हजार ९ सय ७३ रहेको छ । जसमा २८ हजार ९ सय ११ जना होम आइसोलेसनमा छन् भने २ हजार ६२ जना संस्थागत आइसोलेसनमा रहेका छन् ।
यस्तै हाल देशभर रहेका सक्रिय संक्रमितमध्ये ५ सय १२ जना आईसीयूमा उपचाररत छन् भने १ सय ६३ जना भेन्टिलेटरमा भर्ना भएका छन् ।
त्यस्तै गत २४ घन्टामा देशभर १ लाख ७ हजार २ सय २३ जनाले कोरोनाविरुद्धको खोप लगाएका छन । योसँगै कोरोना विरुद्धको दुबै डोजको खोप लगाउने संख्या ४९ लाख ६२ हजार ७ सय ५९ पुगेको छ ।
