कोरोना संक्रमित भन्दा जित्नेको संख्या बढी,थप २० जनाको मृत्यु
काठमाडौं, २० भदौ । नेपालमा थप १ हजार ८९ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ७ हजार ९ सय ७१ कोरोना परीक्षण गर्दा १ हजार ८९ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये थप १ हजार ५ सय ३४ जना स्वस्थ भएका छन् । योसंगै नेपालमा हालसम्म कोरोना संक्रमण मुक्त हुनेको संख्या ७ लाख २७ हजार १ सय ८५ पुगेको छ ।
यस्तै गत २४ घन्टामा देशभर थप २० जनाको कोरोनाका कारण मृत्यु भएको छ । योसंगै नेपालमा कोरोनाका कारण मृत्यु हुनेको संख्या १० हजार ८ सय ३८ पुगेको छ ।
हाल देशभर सक्रिय संक्रमितको संख्या ३१ हजार २ सय ४८ रहेको छ । जसमा २९ हजार ८१ जना होम आइसोलेसनमा छन् भने २ हजार १ सय ६७ जना संस्थागत आइसोलेसनमा रहेका छन् ।
यस्तै हाल देशभर रहेका सक्रिय संक्रमितमध्ये ५ सय २३ जना आईसीयूमा उपचाररत छन् भने १ सय ६२ जना भेन्टिलेटरमा भर्ना भएका छन् ।
त्यस्तै गत २४ घन्टामा देशभर ५३ हजार १ सय ८२ जनाले कोरोनाविरुद्धको खोप लगाएका छन । योसँगै कोरोना विरुद्धको दुबै डोजको खोप लगाउने संख्या ४८ लाख ९५ हजार १ सय ५२ पुगेको छ ।
