देशभरका १९ जिल्लामा ५ सयभन्दा बढी सक्रिय संक्रमित, थप ९ जनाको कोरोनाका कारण मृत्यु
काठमाडौं, १९ भदौ । नेपालमा थप १ हजार २ सय ६८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ९ हजार ८ सय ७५ कोरोना परीक्षण गर्दा १ हजार २ सय ६८ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्य थप २ हजार १ सय ९५ जना स्वस्थ भएका छन् । योसंगै नेपालमा हालसम्म कोरोना संक्रमण मुक्त हुनेको संख्या ७ लाख २५ हजार ६ सय ५१ पुगेको छ ।
यस्तै गत २४ घन्टामा देशभर थप ९ जनाको कोरोनाका कारण मृत्यु भएको छ । योसंगै नेपालमा कोरोनाका कारण मृत्यु हुनेको संख्या १० हजार ८ सय १८ पुगेको छ ।
हाल देशभर सक्रिय संक्रमितको संख्या ३१ हजार ८ सय ९८ रहेको छ ।
यस्तै हाल देशभरका १९ जिल्लामा ५ सयभन्दा बढी सक्रिय संक्रमित रहेका छन् ।
Last modified on 2021-09-05 07:50:38
