गत २४ घन्टामा देशभर कोरोना लाग्ने भन्दा जित्नेको संख्या बढी
काठमाडौं,१८ भदौ । गत २४ घन्टामा देशभर थप १ हजार ७ सय ५६ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १४ हजार ३ सय ३४ कोरोना परीक्षण गर्दा १ हजार ७ सय ५६ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ९ हजार ७ सय ७३ आरटी पिसिआर परीक्षण गर्दा १ हजार ३ सय ५७ र ४ हजार ५ सय ६१ एन्टीजेन परीक्षण गर्दा ३ सय ९९ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये २ हजार २ सय ७४ जना स्वस्थ भएका छन् । योसँगै नेपालमा कोरोना जित्नेको संख्या ७ लाख २३ हजार ४ सय ५६ पुगको छ ।
Last modified on 2021-09-03 19:51:36
