बझाङमा १४९ जना क्षयरोगका बिरामी
बझाङ, १४ भदौ । गरिबी, चेतनाको कमी र कमजोर स्वास्थ्य सेवा प्रणालीका कारण क्षयरोग नियन्त्रण कठीन रहेको चिकित्सकहरुले चिन्ता व्यक्त गरेका छन् ।
बझाङमा १४९ जना क्षयरोगका बिरामिहरुले उपचार गराइरहेको बझाङमा जिल्ला स्तरिय क्षयरोग कोहर्ट विश्लेषण तथा वार्षिक समिक्षा गोष्ठिमा जानकारी गराइएको छ ।
स्वास्थ्य कार्यालय बझाङको आयोजनामा गरीउको समीक्षा गोष्ठीमा १२ वटेै पालिकाका स्वास्थ्य सयोजकहरुको सहभागीतामा आर्थिक वर्ष २०७७/७८ मा सञ्चालित क्षयरोग नियन्त्रण कार्यक्रम हरुको समिक्षा गरिएको थियो ।
क्षयरोग फोकल पर्सन नारायण जोशीका अनुसार बझाङमा क्षयरोगका नयाँ बिरामी पत्ता लाग्ने दर ६७ प्रतिशत रहेको छ भने बिरामीको उपचार सफलता दर ८९ प्रतिशत रहेको उनले बताए । आर्थिक वर्ष २०७७/७८ मा जम्मा १४९ जना क्षयरोगका बिरामी हरुले जिल्लाका विभिन्न स्वास्थ्य संस्थाबाट उपचार लिइरहेको जोशीले बताए ।
नेपालले सन २०३५ सम्ममा क्षयरोग मुक्त देश घोषणा गर्ने लक्ष्य लिएपनि समुदायमा क्षयरोगका बिरामीहरु धेरै भएको र उपचारको दायरामा ल्याउन नसक्दा चुनौती थपिएको स्वास्थ्य कार्यालय प्रमुख भानुभक्त जोशीको भनाइ छ ।
