नेपालमा कोरोना निको हुने दर ९३.६ प्रतिशत,एकैदिन थपिए २ हजार बढी संक्रमित
काठमाडौं,११ भदौ । गत २४ घन्टामा देशभर थप २ हजार ६५ जनामा कोरोना भाइरसको संक्रमण पुष्टि भएको छ । त्यस्तै नेपालमा कोरोना निको हुने दर ९३.६ प्रतिशत पुगेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ११ हजार १ सय १७ कोरोना परीक्षण गर्दा २ हजार ६५ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ८ हजार ७ सय ५२ आरटी पिसिआर परीक्षण गर्दा १ हजार ५ सय ७७ र ४ हजार ३ सय ६५ एन्टीजेन परीक्षण गर्दा ४ सय ८८ जनामा कोरोना संक्रमण पुष्टि भएको हो ।
यस्तै गत २४ घन्टामा देशभर रहेका सक्रिय संक्रमित मध्ये २ हजार ३ सय ३७ जना स्वस्थ भएका छन् । योसँगै नेपालमा कोरोना जित्नेको संख्या ७ लाख ८ हजार २ सय ३० पुगको छ ।
Last modified on 2021-08-27 17:00:42
