नेपालमा कोरोना जित्नेको संख्या ७ लाख नजिक,एकैदिन थपिए ३ हजार बढी संक्रमित
काठमाडौं, ४ भदौ । गत २४ घन्टामा देशभर थप ३ हजार ४२ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १७ हजार ६ सय ५४ कोरोना परीक्षण गर्दा ३ हजार ४२ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १० हजार ५३ आरटी पिसिआर परीक्षण गर्दा २ हजार ७९ र ७ हजार १ सय २४ एन्टीजेन परीक्षण गर्दा ९ सय ६३ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या ८ लाख २३ हजार ६ सय ४६ पुगेको छ । यस्तै गत २४ घन्टामा देशभर रहेका सक्रिय संक्रमित मध्ये २ हजार २ सय ४४ जना स्वस्थ भएका छन् । योसँगै नेपालमा कोरोना जित्नेको संख्या ६ लाख ९३ हजार ५ सय ४३ पुगेको छ ।
Last modified on 2021-08-21 09:48:31
