काठमाडौं, १ भदौ । गत २४ घन्टामा देशभर थप ३ हजार २ सय ७४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा देशभर १७ हजार ६  सय ८९ कोरोना परीक्षण गर्दा ३ हजार २ सय ७४ जनामा कोरोना भाइरसको संक्रमण पुष्टि भएको हो ।

मन्त्रालयको अद्यावधि विवरण अनुसार गत २४ घन्टामा देशभर ११ हजार  ५ सय ६५  आरटी पिसिआर परीक्षण गर्दा  २ हजार ४ सय ५६ र ६ हजार १ सय २४  एन्टीजेन परीक्षण गर्दा ८ सय १८  जनामा कोरोना संक्रमण पुष्टि भएको हो ।

योसँगै देशभर हालसम्म कोरोना संक्रमितको संख्या ८ लाख १४ हजार १ सय २७ पुगेको छ । यस्तै गत २४ घन्टामा देशभर रहेका सक्रिय संक्रमित मध्ये १ हजार ९ सय २९ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ८७ हजार ६९ पुगेको छ ।

Hamro Doctor