कोरोना संक्रमणदर बढेसँगै बजारमा बढ्न थाल्यो रेम्डेसिभरको माग
काठमाडौं, ३२ साउन । नेपालमा पछिल्लो समय कोरोना संक्रमण बढेसँगै रेम्डेसिभर औषधिको माग पनि बढ्न थालेको छ ।
नेपालमा रेम्डेसिभर औषधि उत्पादन गर्दै आइरहेको नेपाल हेल्थ केयरका अनुसार विगत १५ दिन यता रेम्डेसिभर औषधिको माग बजारमा बढ्न थालेको हो ।
नेपाल हेल्थ केयरका निर्देशक अजय पाण्डेका अनुसार अहिले नेपालका प्रमुख शहरहरु काठमाडौं, पोखरा, विराटनगर र झापाबाट औषधिको बढी माग हुने गरेको छ । उक्त औषधि नेपालभर सहजताका साथ उपलब्ध गराइरहेको निर्देशक पाण्डेको भनाइ छ ।
असार १५ गतेदेखि औषधि उत्पादनको अनुमति पाएको नेपाल हेल्थ केयरले अहिले सम्म १५ हजार औषधि उत्पादन गरिसकेको छ भने ६ हजार खपत भइसकेको छ । बजारको माग बढेमा त्यहिअनुसार उत्पादन पनि बढाउदै लैजाने पाण्डे बताउछन् ।
रेम्डेसिभर ‘एन्टी भाइरस’ औषधि हो ।
Last modified on 2021-08-16 16:44:23
