नेपालमा कोरोना संक्रमितको संख्या ८ लाख नाघ्यो,एकैदिन थपिए करिब ४ हजार संक्रमित
काठमाडौँँ, २९ साउन । गत २४ घन्टामा देशभर थप ३ हजार ९ सय १५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १८ हजार ५ सय ८२ कोरोना परीक्षण गर्दा ३ हजार ९ सय १५ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ११ हजार ७ सय ८ आरटी पिसिआर परीक्षण गर्दा २ हजार ७ सय ६३ र ६ हजार ८ सय ७४ एन्टीजेन परीक्षण गर्दा १ हजार १ सय सय ५२ जनामा कोरोना संक्रमण पुष्टि भएको हो ।
योसँगै देशभर हालसम्म कोरोना संक्रमितको संख्या ८ लाख २ हजार ५ सय ६६ पुगेको छ । यस्तै गत २४ घन्टामा देशभर रहेका सक्रिय संक्रमित मध्ये २ हजार १ सय १८ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ७९ हजार ४ सय ९५ पुगेको छ ।
