८७ हजार बढीले लगाए कास्कीमा कोरोनाविरुद्धको खोप
कास्की,२७ साउन । कास्कीमा ८७ हजार ८ सय ३० जनाले कोरोनाविरुद्धको दुवै डोज खोप लगाएका छन् ।
जिल्ला स्वास्थ्य कार्यालय कास्कीका अनुसार १५ हजार ८ सय ७० जनाले कोभिशिल्ड, २५ हजारले जोन्सन एण्ड जोन्सन र ४६ हजार ९० जनाले भेरोसेलको दुवै डोज खोप लगाएका हुन् ।
जिल्लामा जोन्सन एण्ड जोन्सन खोप २५ हजार १ सय ५० मात्रा प्राप्त भएकोमा १५० खोप वैदेशिक रोजगारीमा जानेहरूका लागि सुरक्षित राखिएको छ ।
कोरोनाविरुद्धको खोप कार्यस्थलमा खटेका, लक्षित वर्ग र विभिन्न उमेर समूहका व्यक्तिलाई प्राथमिकता दिएर लगाइएको थियो ।
