गत २४ घन्टामा कोरोना संक्रमणमुक्त हुने भन्दा संक्रमितको संख्या दोब्बर
काठमाडौँँ, २६ साउन । गत २४ घन्टामा देशभर थप ४ हजार ९ सय ४ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १९ हजार १ सय २३ कोरोना परीक्षण गर्दा ४ हजार ९ सय ४ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १३ हजार २ सय १७ आरटी पिसिआर परीक्षण गर्दा ३ हजार १ सय ९४ जना र ५ हजार ९ सय ६ एन्टीजेन परीक्षण गर्दा १ हजार ७ सय १० जनामा कोरोना संक्रमण पुष्टि भएको हो ।
योसँगै देशभर हालसम्म कोरोना संक्रमितको संख्या ७ लाख ८१ हजार ९ सय १० पुगेको छ । यस्तै गत २४ घन्टामा देशभर रहेका सक्रिय संक्रमित मध्ये २ हजार १ सय १५ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ७३ हजार १ सय ९८ पुगेको छ ।
